Як усё знітавана ў часе…
Адбіваючыся ў сэрцах ды на скронях лёсаў людзей, рэха падзей ваенных ліхалеццяў праз даволі вялікі прамень часу дае аб сабе шчымлівую вестку, бо памяць мае здольнасць жыць у кожным чалавеку.
9 мая 2022 года – 77-ы День Перамогі!
Вуліцы ўпрыгожаны квяцістымі фарбамі прыроды, сонейка свеціць усё мацней, вочы гараджан пасвятлелі ад святочнага настрою, вітаючы знамянальную падзею.
У Нацыянальным банку напярэдадні свята была арганізавана выстаўка “Вялікая Перамога” з фондаў Нацыянальнага мастацкага музея Рэспублікі Беларусь, якая працягнецца да 16 мая, таксама была прадэманстравана прэзентацыя-фотагісторыя “Беларусь памятае”, героямі якой сталі удзельнікі і ветэраны Вялікай Айчыннай вайны-блізкія і родныя супрацоўнікаў Нацыянальнага банка. А разыначкай святкаванняў стала сапраўдная, духмяная салдацкая каша і гарбата, якую так дбайна падрыхтавала служба грамадскага харчавання.
Такім чынам дух і настрой пераможных дзён мы адчулі па-асабліваму яскрава і смачна, аддаючы даніну павагі нашым загінуўшым у 1941-1945 гадах продкам.
Дэлегацыя ад прафсаюзнага камітэта АПА Нацыянальнага банка 9 мая ўсклала кветкі да Кургана Славы, добраўпарадкаванага з актыўным удзелам Федэрацыі прафсаюзаў Беларусі, ў час правядзення там урачыстасцей, прымеркаваных да дня Перамогі.